“E kam thënë edhe shumë herë më parë dhe do ta përsëris edhe njëherë. Flamuri dhe simbolet shtetërore do të jenë në të gjitha vendet dhe dokumentet ku e kërkon ligji. Politikisht nuk pajtohemi, por kjo çështje nuk zgjidhet në nivel komune, por në nivel qendror. Megjithatë, asnjë ligj nuk e ndalon flamurin kombëtar”, është shprehur Ahmeti në rrjetin Facebook.
Ai shkruan se nuk është marrë as nuk e ka në plan të merret me fotografitë, duke aluduar në shkrimet se Ahmeti do ta largojë fotografinë e ish presidentit Ibrahim Rugova.
“E dyta, nuk jam marr e as që e kam pas plan të merrem me fotografitë. Edhe kjo çështje rregullohet në nivel qendror. Nuk mendoj se kryetarët e komunave do të duhej të vendosnin fotografi sipas preferencave në çdo zyre të Komunës. Tematizimi i këtyre çështjeve na largon nga problemet që kanë të bëjnë me cilësinë e jetës në komunën tonë. Edhe njëherë, sot filluam punën dhe e prezantuam ekipin. Do të punojmë sipas programit dhe parimeve të cilat i kemi prezantuar në fushatë dhe që i kemi prezantuar si organizatë”, u shpreh kreu i Komunës së Prishtinës.
0 comments:
Post a Comment