Përveç Galaxy S5 dhe Gear 2, Samsung prezanton edhe Tab 4

Samsung pritet të lansojë disa modele të reja të pajisjeve mobile në Kongresin Botëror Mobil, dhe përveç modelit të ri të telefonit - Samsung Galaxy S5 dhe orës Galaxy Gear 2, pritet që Samsung ta prezantojë edhe versionin e ri të tabletit Galaxy Tab 4.
Sipas një raporti i cili është publikuar kohëve të fundit, thuhet se Samsung Galaxy Tab 4 do të prezantohet gjatë kongresit mobil, në një konferencë të veçantë për media.

Pritjet janë që Samsung të prezantojë tri versione të ndryshme të Galaxy Tab 4, njërin me diagonale prej 7 inç, tjetri me 8 inç dhe tjetrin me ekran prej 10.1 inç. Të tri versionet do të vijnë me Android 4.4 KitKat.

Karakteristikat tjera të Samsung Galaxy Tab 4 përfshijnë edhe procesorin quad core 1.2GHz, baterinë me 6,800 mAh si dhe portin për kartelën microSD.