“Autori (Amir Jakupi) shprehet se gjatë monitorimit se ka vërejt shkelje ligjesh, rregulloresh ,andaj i sugjeron Ministrisë së Administrimit dhe Pushtetit Lokal t’i shfuqizoj vendimet. Konsiderojmë se në rast se Kuvendi Komunal ka bërë shkelje, ministria përkatëse do veproj edhe pa këshillat e shprehura në këtë shkrim. Vlerësimet e bëra rreth punës dhe personalitetit të Kryesuesit të Kuvendit, se ai nuk është i aftë për ta udhëhequr legjislativin, nuk janë objektive dhe bindëse”, thuhet në reagim. Praktika e ka dëshmuar të kundërtën, vazhdon teksti, se gjerë tani asnjë seancë e Kuvendit nuk ka dështuar për pa aftësi menaxhimi të Kryesuesit të Kuvendit.
” Zgjatja maratonike” siç e quan Amiri ,seancën e fundit të Kuvendit Komunal, e cila kishte parapa 12 pika që duheshin të shqyrtoheshin , si dhe pikat tjera që i’u shtuan nga propozimet e kuvendarëve e bënë më të ngarkuar seancën e fundit të Kuvendit se zakonisht. Po,ashtu edhe diskutimet e shumta të kuvendarëve, replikat kishin ndikuar të zgjatej koha e seancës. Kryesuesi, respekton të drejtën e fjalës për kuvendarët. Edhe pse i ka votat për të marr vendime, por për hir të respektimit të këshilltarëve, institucionit , nuk ngutet që t’i i qes në votim propozimet, pa u shterur të gjitha diskutimet. Konstruktiviteti i tij është shprehur edhe si ish delegat i të gjitha kuvendeve të pas luftës.
Ndërkaq, aftësia e tij për të menaxhuar, është vërtetuar edhe në funksionet me përgjegjësi të kryera para dhe pas luftës. Seancat e Kuvendit mund të ndodhë që nuk fillojnë në orën e saktë siç janë paraparë , ama jo edhe vonesat prej 30 minutash. Vërejtja se po dalin jashtë këshilltarët ,këtë askush nuk mund ta ndaloj ,ata i kanë arsyet e tyre dhe veprojnë sipas ndërgjegjes së tyre”, janë arsyetimet e zyrës së kryesuesit të Kuvendit Komunal.
Kryesuesi i Kuvendit Bajram Dërmaku mburret me faktin se për katër muaj nuk i ka dështuar asnjë mbledhje. As në kohën e Bajram Morinës nuk dështonin mbledhjet por cirku dhe shkeljet që bëheshin nën drejtimin e tij, ishin të tmerrshme.
Kryesuesi i Kuvendit përmes zyrës së Informimit është munduar të arsyetoj diçka të paarsyeshme. Unë vazhdoj të jem i bindur se Kuvendi nuk është duke funksionuar si duhet. Kthehuni pak te vendimet e shfuqizuara nga MAPL-ja dhe mundësinë që edhe tre të tjerë ta kenë të njëjtin fat në ditët e ardhshme. Çfarë serioziteti mbetet në punën e organit më të lartë të Komunës.
Çështjen e shfuqizimeve e bënë shumë të thjeshtë kryesuesi Dërmaku. “Në rast se bëjmë shkelje, ministria përkatëse do të veproj edhe pa këshillat tuaja”shprehet ai. Z. Dërmaku dhe asambleistë të nderuar, nuk mund të tallet askush me Kuvendin e Komunës. ‘Po provojmë diçka nëse kalon mirë, nëse s’kalon kurgjo kurrkujt’. Ky organ duhet të jetë i përgjegjshëm dhe llogaridhënës.
Sa i përket kohëzgjatjes së diskutimeve, replikave, zhurmës, mungesave të paarsyeshme, që të gjitha këto parashihen në rregulloren e punës së Kuvendit. Kjo Këtë nuk mund ta lidhni me ndërgjegjen e njerëzve, ka rregulla, ka ligje dhe ka masa ndëshkuese. Rilexojeni këtë dokument dhe punoni në përputhje me të.
Shqetësuese janë edhe vonesat në fillimin e mbledhjeve dhe rinisjet pas pauzave. Shikojeni procesverbalin e mbledhjes së parafundit të KK-së dhe mbledhjes së fundit të KPF-së, dhe e vërteton sa është vonesa në mbledhja nis në orën 10.32.
Në fund, askush nuk po e mohon rolin dhe aktivitetet tuaja para dhe paslufte, ne jemi fokusuar konkretisht në mbarëvajtjen e seancave të Kuvendit, çka është punë e jona dhe për këtë kemi dhënë vërejtjet tona. Krejt në fund, iu bëjmë thirrje që të mos lejoni ekzekutivin ta mbikëqyr e kontrolloj Kuvendin dhe ta ngulfat funksionimin e tij. (r.premiera)
0 comments:
Post a Comment