Forumi Rinise së LDK-se festoi 25 vjetorin

Me 11 mars është festuar  25 vjetori i themelimit të Forumit Rinisë së LDK-së, ku të pranishëm ishin edhe Kryetari i Forumit rinisë së degës së LDK-së në Kamenicë, njëherit edhe anëtari i kryesisë së forumit në nivel qëndror Shkelzen Krasniqi, Sekretari i degës së LDK-së në Kamenicë Alban Mehmeti si dhe disa anëtare të FRLDK-së nga Kamenica.

Ne një fjalë rasti nga Kryetari i LDK-së njeherit Kryeministër i Kosovës Isa Mustafa ndër të tjera vlerësoi lartë angazhimin, vullnetin, aktivitetin e të rinjve të LDK-së gjatë 25viteve.

Kryeministri Mustafa gjithashtu inkurajoi të rinjtë të vazhdojnë të mos e ndalin angazhimin, vullnetin, besimin duke u rikujtuar atyre që është me ta dhe janë pjese e ekipit te tij dhe se Qeveria e udhëhequr nga ai do të angazhohet fuqishëm në kthimin e shpresës për një mirëqene më të mirë për të rinjtë, për qytetarin e Kosovës.

Ndërkaq Kryetari i FRLDK-së dhe këshilltari i Kryeministrit Mustafa, Armend Ibrahimi theksoj se të rinjtë e LDK-së ishin gjithmonë pjesë e proceseve të rëndësishme të ndryshimeve në vend, tani ata janë edhe pjesë vendimmarrës ku do të kontribuojnë drejtpërsëdrejti në përmasimin e gjendjes duke ofruar ide kreative, inovative  si organizata më e madhe politike dhe pjese e organizatave evropiane do të ofrojmë një qasje të re për të rinjtë tanë.