Gjilan beteja me shiun

Qytetarët gjilanas për këto 100 vitet e fundit nuk kanë përjetuar një shi kaq të rrëmbyeshëm dhe kaq të zgjatur. Ata sot u përballën me betejën për të kaluar rrugët dhe për të mos mbetur me veturë nëpër rrugët e pakalueshme. Rajonipress ju sjell tri pamje interesante ku qytetarët ndihmojnë njëri tjetrin edhe në këso krizash të rënda.

Në qytetin e Gjilanit sot është treguar edhe solidariteti, edhe beteja për të shpëtuar nga shiu i rrëmbyeshëm. Shumë qytetarë që i kishte zënë shiu në qytet u përballen me situata të pakëndshme.

Megjithatë qytetarët ndihmuan njëri tjetrin dhe u treguan solidar, siq shihete dhe në këto foto të rajonipress.

Sokol Haziri drejtor i shërbimeve publike tha për rajonipress se dëme ka të shumta dhe ende është herët të flitet për ndonjë parallogaritje.”Ky shi nuk mbahet në mend as nga gjenerata e vjetra” tha Haziri teksa ka vizituar shumicën e lagjeve në qytet.

Izet Hoxha një burrë 72 vjeçar tha se jeton në qendër të Gjilanit, por këso furtuna kurrë nuk ka përjetuar ndonjëherë.”Me ra shi tri orë pandërprerë kjo kurrë s`ka ndodhur. Këtë shi dhe këtë kiamet se kam përjetuar asnjëherë “ tha Izeti për rajonipress.

Në Gjilan ka rënë edhe breshër dhe nuk dihen dëmet prej tij. /rajonipress/