Me këtë rast Kadriu që deri më tani ka punuar në këtë zyrë si U.D., ka thënë se për këtë periudhë të hapjes së kësaj zyre me shumë rëndësi, kanë pranuar mbi 400 kërkesa nga banorët e malësisë.
“Kemi mbi 400 kërkesa të pranuara për çështje të ndryshme, por më të spikaturat janë ato për zgjidhje të problemit me dokumentacion. Ende edhe për më shumë se 15 vjet të qëndrimit në Gjilan banorët e asaj ane përkundër që kanë krijuar pasuri, kanë kryer shkollimin këtu dhe aktivitete të tjera një pjesë e madhe janë ende pa shtetësi të Republikës së Kosovës”, tha ai duke shpresuar që në të ardhmen kjo problematikë ti mbetet të kaluarës.
Ndërsa Ibrahim Maliqi, tashmë koordinator i zyrës ka thënë se është i vendosur që të jetë në shërbim të qytetarëve të Gjilanit që janë me prejardhje nga Lugina e Preshevës, për t’u dalë në ndihmë në çfarëdo mënyre qoftë.
“Nga sot e tutje, jam i përkushtuar që të vazhdoj me punë në këtë zyrë dhe të sjellim rezultate bashkërisht. Falë mbështetjes së Komunës së Gjilanit, është hapur kjo zyrë, për çka jemi të kënaqur edhe më hapësirën por edhe me mbështetjen e sinqertë që ka ardhur nga kryetari i Komunës Lutfi Haziri”, ka thënë ai duke shpresuar në krijimin e kushteve për pajisje të banorëve me dokumente të Republikës së Kosovës, që pastaj do të rregullonte edhe problemet pronësore dhe problemeve të tjera, që janë zinxhir i mungesës së dokumentacioneve bazë.
Ai është zotuar që bashkë me akterë të tjerë do të kërkojnë nga Ministria e Punëve të Brendshme dhe institucione të tjera që të krijojnë lehtësira të tjera në favorin e këtyre qytetarëve të cilët nuk janë pak në numër./rajonipress/
0 comments:
Post a Comment