17 mijë euro dëmi që shkaktoi fatkeqësia e zjarrit në objektin e komunës!

Sot është mbajtur një takim i jashtëzakonshëm mes kryetarit Begzad Sinani dhe Këshillit të Drejtorve. Në këtë takim u bisedua rreth mundësive sa më të shpejta rreth normalizimit të gjendjës së ndodhur nga fatkeqësia e zjarrit, pasi që zjarri shkaktoi dëme, në objektin e komunës bëri jo funksional funksionimin e saj për punë.

Me këtë rast është formuar edhe një Komision për të evidentuar më saktë dëmet e shkaktuara.
 Anëtarë të Komisionit u caktuan: Fisnik Kastrati, Bujar Kastrati dhe Hasan Rapuca.Sipas vlerësimeve të para, konsiderohet se dëmet materiale kapin shumën e afro 17 mijë eurove.

 Komuna njofton se pas evidentimit të dëmeve të shkaktuara, së shpejti do të kryhen renovimet në mënyrë që shërbimi për qytetarët të jetë i duhur dhe sa më i shpejtë.