Konfiskohen 30 telefona mobil në pikëkalimin e Jarinjës

O

ficerët doganorë, gjatë kontrollit rutinor të veturave, në pikëkalimin e Jarinjës, arritën të gjenin 30 telefona mobil, në automjetin i cili transportonte gazetat ditore.
Automjeti i drejtuar nga një shtetas i Serbisë transportonte gazetat ditore, ku pas kontrollit të oficerëve doganor u gjet një thes i fshehur në mes gazetave.

Pas hapjes u gjetën 30 copë telefona mobil të llojit Samsung, vlera e telefonave e të cilëve llogaritet rreth pesëmijë euro.

Sipas një komunikate të Doganës së Kosovës, vetura është kontrolluar në detaje por nuk është gjetur diçka me tepër.

Sasia e telefonave është konfiskuar, kurse pala ka shkaktuar kundërvajtje doganore.